ꈭꃀꀊꃺ
ꄜꃑꄮꈉ： 2012-05-27 | ꁰꄻꊿ：ꀋꇐꃘꃀ ꎴꁱꌠ
ꈭꀋꑱ:
ꈭꌦꈭꌋꈭꃀꀊꃺꆏꉬꀕ?
ꆏꈴꌠꈴꇁꀕ?
ꆈꒉꃴꐙꈴꇁꀕ?
ꉱꇗꉱꌋꑍꋑꇖꂷꆏꉄꀕ?
ꆏꍘꉈꐦꇬꈴꇁꀕ?
ꀋꁧꀉꄉꂶꌠꁮꋊꁦꀑꐥꂿꀕ?
ꑳꅝꉒꐎꄑꂿꀕ?
ꀋꃀꀊꆗꂶꌠꐝꈭꏂꊂꀀꉻꏂꂿꀕ?
ꎭꁮꇇꄧꄉ,ꎭꃹꇇꀏꈩꂿꀕ?
ꎭꑟꎃꑐꀕ,ꎭꃹꀮꇗꀕꂿꀕ?
ꑐꂵꑘꀕꂶꌠꃮꅸꊫꊂꏪꂿꀕ?
ꂷꏦꇇꁅꋏꂿꀕ?
ꂛꊨꇪꑮꂶꌠꃅꋩꏮꈜꁌꂿꀕ?
ꈑꋍꉒꐎꄑꂿꀕ?
ꆏꂾꆹꂿꃯꆏ:
ꆏꇁꉂꏣꄀ,
ꋍꏢꌌꇁꁦꀑꄀ,
ꁦꀑꋌꅑꇴꉭꀕ;
ꋍꏢꌌꇁꇉꅶꄀ,
ꇉꅶꋌꅑꉸꎓꀕ;
ꋍꏢꌌꇁꐦꇬꄀ,
ꐦꇬꋌꅑꐼꇉꀕ。
ꇁꀦ： ꆃꎭꉜꇐꁱꀕ
ꁰꄻꌠ：
beleys ｜
ꄜꃑꌠ：
