《ꃅꉇ》ꆹꊉꀜꃅꉇꆈꌠꁱꀕ(ꇤꃀꀈꑘ)ꎥꃪꉼꀠꅐꌠꆀꉙ、ꉷꉙꑍꅇꃅꌌꁱꇈꎥꃪꐨꐥꌠꄯꒉꅐꅷꁧꐮꄉꋐꉬ。ꄯꒉꋌꋐꆹꏦꍠꒉꄿꃆꂮꇬꈴ,ꃅꉇꌕꇉꆈꌠꅿꍔꍞ、ꎆꏣꆿꂷ、ꀘꂾꌧꇐ、ꂽꃅꂽꂮ、ꇗꅉꏦꃤ、ꅇꂷꁱꂷ、ꃅꀹꈨꑴ、ꋻꅑꃅꇏ、ꁭꅉꅺꊈ、ꐩꋊ、ꁬꋌꆰꋌ、ꈯꒆꄿꎟ、ꑵꉙꑵꈩ、ꌧꈿꁱꇐ、ꉌꐡꁱꇐ、ꄛꇰꁱꇐ、ꈋꍣꁱꇐ、ꌬꇐꑴꇐꃅꑠꎥꃪꌠꄻꇬꄀ;ꉈꑴꆏ,ꆈꌠꌧꇐ、ꂘꇐꂴꅑꌠꊿꌌꄜꉻ。ꋌꆹꆈꌠꏮꅉꐚꌋꆀꃅꉇꆈꌠꁱꀕꎥꃪꐨꅲꇬꅉꀋꉬꀋꉆꋐꉬ。
ꄯꒉꋌꋐꆹꑤꈓꉈꆈꃅꌧꇐꌋꆀꊿꋅꃆꂮꎥꃪꌠꁱꇐꇁꉚ。
ꁱꇐꇖꂟꐨ：
1、ꁱꇐꌌꇁꌠꆏꄆꇅꅥꄉꇈꄻꋌꁁꊐꌋꆀꄻꈄꁨꇬꈴꄉꌌꇁꌠꄉꈝꐯ,ꋋꈨꀋꇮꌠꆏꄯꒉꁱꂷꃅꌌꇁꑌꍑ。
2、ꄯꒉꁱꂷꆏꌕꄙꂷꐯꉐ,ꁱꂷꆏꁱꌊꐝꉅꌶ,ꅇꌐꂷꌬꏦꏣꈴ,ꌞꄯꒉꇬꉛꌊꌬꌠꆏ,ꇁꀦꉉꀽꐝꉅꃅꄉꑲꆀꍑ。
3、ꁱꇐꉪꌋꌊꁰꄻꄉꌬꀐꄷꆏ,ꁱꇐꁰꁌꁵ。ꀋꌬꌠꁱꇐꆹꉈꀱꊨꏦꀋꁵ,ꑠꅹꊨꏦꋍꁬꊏꇬꐓꄉꅊꇈ。ꁱꇐꎭꎼꇁꈎꁂꂷꐛ ꀐꇬ,ꅇꈌꀋꏮꌠꆏ,ꊨꏦꌌꀉꁁꎹꄉꄀꅊꇈ。
4、ꁱꇐꆈꌠꁱꂷꈧꌠꄈꌬꈈ。ꉌꈲꉙꌌꆈꌠꉙꃅꄀꏾꈧꌠꆏꊨꏦꁎꎼꇁꌶ。
5、ꁱꇐꄺꀱꌠꉌꃹꅊꇈ,ꀋꄸꄷꄺꀱꀋꉆꑲꆏ,ꄺꀱꀋꉆꄷꉉꀽ,ꑠꀋꉬꑲꆏꉪꏭꅑꑘꎹꇁꀋꉆ。
6、ꁱꇐꎭꎼꇁꇬ,ꊨꏦꂓꇯꍜꌠ、ꌺꃰꅪꃰ、ꒆꄮ、ꐤꅉꂓ、ꄯꒉꎭꁵꅉꂓ、ꒀꍔꌐꂷ、ꄆꅇꌐꂷ、ꈄꁨꑠꁱꐝꉅꃅꇬꄀꎼꇁꅊꇈ。
ꁱꇐꎭꉪꁳꅉ：ꊉꀜꆈꌠꊨꏦꏱꅉꑤꎫꀻꍔꑤꏥ14ꉸ
ꊉꀜꑦꆃꎭꆈꌠꁱꀕ(ꇤꃀꀈꑘ)ꎥꃪꉼ ꁵ
ꌤꃅꅉ：ꊉꀜꆈꌠꊨꏦꏱꅉꑤꁱꀕꌷꈩꈯꄜꑳꌕꊐꌠꇬ。
ꐮꈴꌠ：ꐚꒀꀊꈬ ꅿꑌꍎꄊ
ꈄꁨ：ebyzwhyjh@163.com QQꌐꂷ：87069233
ꒀꍔꌐꂷ：614300
ꄆꅇꌐꂷ：0833-5226626
