ꄆꒌ《ꍜꇰꀉꇐ》ꂶꌠꌌꄉꍑꇬꀐ
ꄜꃑꄮꈉ:2012-06-13 | ꁰꄻꊿ: ꇁꀦ:ꆃꎭꑍꄜ ꉜꃷꁨ:


               ꋋꆹꄆꒌꍑꄻꃆꂮꌤꃅꊿꈧꌠꐯꇯꁰꒌꍑꄉꌠWJu彝族人网


                  ꋋꆹꄆꒌ《ꍜꇰꀉꇐ》ꂶꌠꍗꑷꂶꌠWJu彝族人网

ꆈꌠꄆꒌ《ꍜꇰꀉꇐ》ꄷꂷꌠꆹ,5ꆪ19ꑍꄹꉇꆏꌌꒊꆈꌜꆀꏦꏃꆀꆿꆈꌠꊨꏦꏱꅉꑤꑿꆺꎾꃝꋮꈚꌠꇬꄉꍑꇬꀐ。

    ꆈꌠꄆꒌ《ꍜꇰꀉꇐ》ꋋꂷꆹꒊꆈꌜꆈꌠꌷꇐꑪꉼꇖꂟꄉ,ꇩꏤꅇꁊꄆꁱꊝꏳꍤꇖꈌꁧꈭꐨꑲꆀꍑꄻꈌꁧꊫꌐꑌꃑꄻꇬꁳꎼꇁꀐ.ꒊꆈꀕꌠꌷꇐꑠꉼꂴꅑꊥꇬꄉ,ꒊꆈ、ꇭꍏ、ꇨꑭꋋꈨꐯꇯꀉꑌꁁꏯꈴꄉꈒꇤꊋꇤꑲꆀꌌꄉꑌꐚꃅꍑꄻꌠꉬ.ꄆꒌꋋꂷꍑꄻꂿꄷꄯꒉꁰꄻꊿꆏꍏꑷꊿꋅꅇꂷꁱꂷꁎꆦꏳꆈꌠꁱꂷꁎꆦꌤꃅꅉꈚꌠꇬꏫꎵꏼꌒꃴꑘ,ꄬꑷꆏꆈꌠꀕꏀꄬꑷꏦꌒꑸꊉꂶꌠ,ꄆꒌꈐꏭꍜꇰꀉꇐꍗꑷꌠꆏꐊꂾꈬꉻꐊꃖꂶꌠ,ꄆꒌꍑꄻꌠꏱꇺꊿꆏꎭꂵꑕꑘ。

    ꍜꇰꀉꇐꆹꆈꌠꉹꁌꇢꊭꃅꈨꈴꌐꌠꃅꃴꃄꄅꁉ,ꈧꁻꆪꁻꌠꌳꃈꌳꈄꊾꂷꉬꄉ,ꉹꁌꋍꏅꉬꇮꇫꉂꄉꇫꊂꀭꄂꇱꀋꏦꑠꂷ.ꄆꒌꈐꏭꆏꆈꌠꌳꃈꌳꈄꌠꀎꋏꀉꁌꍜꇰꀉꇐꂶꌠꀊꏀꄮꇬ,ꆈꌠꉹꁌꈭꋏꂿꄷ,ꌦꃅꌊꃅꋌꇱꋩꌊꃅꃴꃄꅉꇬꌦꌺꌊꌺꌋꆀꐮꉈꈽꃆꂮꁮꅉꑠꌧꊾꇰꊿꀦꌠꉬ.ꇫꄉꎖꌗꉚꇬ,ꄆꒌꋋꂷꆹꎼꈎꀕꂫꄮꇬꆏꌌꄉꃑꄻꇩꏤꑭꊂꉜꐋꋍꏅꀨꄎꌠꉬꏭꐛ。
 WJu彝族人网

(《ꆃꎭꑍꄜ》2012ꈎ6ꆪ3ꑍꄩꄉꐒꌊꇁꁬ )WJu彝族人网

ꁰꄻꌠ: ꄜꃑꌠ: beley ꌤꃅꅉ
ꂴꁬꌠ:ꈬꉘꆿꆉꑵꃚꇖꈭꀕ ꆀꃅꀊꉘꉌ...
ꊁꁬꌠ:2011ꈓ7ꆪ23ꑍꅑ24ꑍꒊꆈꌜꍋꄫ...